రాష్ట్ర వ్యాప్తంగా ప్రభుత్వ, ప్రైవేటు పాఠశాలల్లో పని చేస్తున్న టీచింగ్- నాన్ టీచింగ్ సిబ్బందికి వ్యాక్సినేషన్ ప్రక్రియను త్వరితగతిన పూర్తి చేయాలని విద్యాశాఖ మంత్రి ఆదిమూలపు సురేశ్(ADIMULAPU SURESH) ఆదేశించారు. పాఠశాల, ఇంటర్మీడియెట్, ఉన్నత విద్య, సాంకేతిక విద్యకు సంబంధించి పూర్తిస్థాయి సిబ్బందికి టీకా అందించే ప్రకియను చేపట్టాల్సిందిగా జిల్లా జేసీలను, వైద్యాధికారులను సూచించారు.
రాష్ట్రంలోని ప్రభుత్వ యాజమాన్యంలో పనిచేస్తున్న 1,68,911 మంది ఉపాధ్యాయుల్లో.. 81,994 మందికి ఈ నెల 10 నాటికి తొలి విడత వ్యాక్సిన్ పూర్తైందని అధికారులు తెలిపారు. రెండో విడత టీకాను 57,056 మంది వేయించుకున్నట్టు మంత్రికి వివరించారు. మిగిలినవారికి కూడా రెండు డోసుల వ్యాక్సీన్ ప్రక్రియను పూర్తి చేయాలని మంత్రి ఆదేశించారు. ఇందుకోసం.. ప్రత్యేక డ్రైవ్లు చేపట్టి 100 శాతం వ్యాక్సినేషన్(VACCINATION) పూర్తి చేయాలని కోరారు.
ఇదీచదవండి:
