రాష్ట్ర ఎన్నికల కమిషనర్గా విశ్రాంత ఐఏఎస్ అధికారి నీలం సాహ్ని కొనసాగడాన్ని రాజ్యాంగ విరుద్ధమైన చర్యగా ప్రకటించాలని పేర్కొంటూ గుంటూరుకు చెందిన డాక్టర్ మద్దిపాటి శైలజ హైకోర్టులో వేసిన పిల్ పై విచారణ జరిగింది. సుప్రీంకోర్టు తీర్పుకు విరుద్ధంగా ఎంపీటీసీ, జడ్పీటీసి ఎన్నికలు నిర్వహించి ..160 కోట్ల రూపాయల ప్రజాధనాన్ని వృథా చేశారని పిటిషనర్ తరపు న్యాయవాది వాదించారు. ప్రస్తుతం పరిషత్ ఎన్నికల రద్దుపై హైకోర్టులో విచారణ జరుగుతోందని న్యాయస్థానం తెలిపింది. ఆ పిటిషన్ పై విచారణ పూర్తి అయిన తర్వాత దీనిపై విచారిస్తామని ధర్మాసనం తెలిపింది. తదుపరి విచారణను వచ్చే నెలకు వాయిదా వేసింది.
ఇదీ చదవండి:
