ANTICIPATORY BAIL TO TDP LEADERS: సీఎం, ఆయన కుటుంబసభ్యులపై అనుచిత వ్యాఖ్యలు చేశారంటూ అనంతపురం పోలీసులు నమోదు చేసిన కేసులో నలుగురు తెలుగుదేశం మహిళా నేతలకు హైకోర్టు ముందస్తు బెయిల్ మంజూరు చేసింది. వారిపై ఉన్న ఆరోపణలేమిటి..? వారి ఇళ్లలో పోలీసులు ఎందుకు సోదాలు నిర్వహించాల్సి వచ్చిందో నివేదిక ఇవ్వాలని అనంతపురం జిల్లా ఎస్పీని ఆదేశించింది.
విచారణను రెండు వారాలకు వాయిదా వేసింది. తెలుగుదేశం అధినేత చంద్రబాబు సతీమణిపై శాసనసభలో అనుచిత వ్యాఖ్యలు చేసిన ఘటనపై.. టి.స్వప్న, పి. విజయశ్రీ, కె.సి. జానకి, ఎస్. తేజస్విని విలేకరుల సమావేశంలో సీఎం, ఆయన కుటుంబసభ్యులపై అనుచిత వ్యాఖ్యలు చేశారంటూ అనంతపురం నాలుగో పట్టణ పోలీసులు కేసు నమోదు చేశారు.
