పశ్చిమ గోదావరి జిల్లా వేలేరుపాడు మండలంలో భూదేవిపేట శివారులోని పెదవాగులో మునిగి ఆరుగురు విద్యార్థులు మృతి చెందిన విషాద ఘటన పట్ల గవర్నర్ బిశ్వ భూషణ్ హరి చందన్ తీవ్ర దిగ్భ్రాంతి వ్యక్తం చేశారు. ఈత కొట్టేందుకు వాగులోకి వెళ్లిన విద్యార్థులు ప్రాణాలు కోల్పోవటం బాధాకరమన్నారు. ఈ సందర్భంగా మృతుల కుటుంబ సభ్యులకు సానుభూతి ప్రకటించారు. పిల్లల విషయంలో ఏమరుపాటు తగదని హితవు పలికారు.
గ్రామానికి చెందిన పలు కుటుంబాలతో వన భోజనాలు చేసేందుకు పెదవాగుకు వెళ్లిన విద్యార్ధులు... సరదాగా ఈత కొట్టేందుకు వాగులోకి దిగగా ఆరుగురు యువకులు గల్లంతయ్యారు. అనంతరం యువకుల మృతదేహాలను పోలీసులు వెలికితీశారు.
సంబంధిత కథనం:
