Earth Hour on March 26th: శనివారం(మార్చి 26) రాత్రి ఎర్త్‌అవర్ను పాటించాలని రాష్ట్ర ప్రజలను గవర్నర్ బిశ్వభూషణ్ హరిచందన్ కోరారు. పర్యావరణ చైతన్యవ్యాప్తి ఉద్యమంలో భాగంగా.. శనివారం రాత్రి 8.30 నుంచి 9.30 వరకు ఎర్త్‌అవర్ పాటించాలన్నారు. అత్యవసరమైతేనే లైట్లు, ఇతర పరికరాలు వాడాలని గవగ్నర్ సూచించారు. ఎర్త్‌ అవర్‌పై ప్రజల్లో అవగాహన కల్పించేందుకు పలు ప్రాంతాల్లో కొవ్వొత్తుల ర్యాలీ నిర్వహించనున్నారు.
భూమి మీద వెలువడుతున్న కర్బన్‌ ఉద్గారాలను తగ్గించడానికి, ఇంధనాలు, విద్యుత్‌ను ఆదా చేయడం కోసం ఏర్పడిన ప్రజాచైతన్య ఉద్యమమే ఈ ఎర్త్‌ అవర్‌. పర్యావరణ చైతన్య ఉద్యమంలో భాగంగా ప్రపంచవ్యాప్తంగా మార్చి 26న(శనివారం) రాత్రి ఎర్త్‌అవర్ పాటిస్తారు. ఈ సందర్భంగా.. చారిత్రక కట్టడాలు, స్మృతి కేంద్రాలు, ముఖ్యమైన ప్రాంతాల్లో లైట్లు ఆర్పేశారు. గంటపాటు చీకట్లలో ఉండిపోయారు. వాతావరణ మార్పుల పట్ల ప్రజల్లో చైతన్యం కలిగించేందుకు గత పదేండ్లుగా ప్రతి ఏటా ఈ కార్యక్రమాన్ని నిర్వహిస్తున్నారు.
ఇదీ చదవండి: Chandrababu : 'గ్రామగ్రామాన పార్టీ ఆవిర్భావ వేడుకలు నిర్వహించాలి'
