వివిధ ప్రభుత్వ శాఖల్లోని ఖాళీల భర్తీపై ప్రభుత్వం దృష్టి సారించింది. ఈ మేరకు వీలైనంత త్వరగా ఉద్యోగ క్యాలెండర్ను ప్రకటించేందుకు సమాయత్తమవుతోంది. ఉగాదికే ఉద్యోగ క్యాలెండర్ ఇవ్వాలని ముఖ్యమంత్రి ఆదేశించినప్పటికీ పలు శాఖల నుంచి సమాచారం అందని కారణంగా జాప్యం అయినట్లు అధికారులు తెలిపారు. ఈ అంశంపై ఆగ్రహం వ్యక్తం చేసిన సీఎం జగన్... ఖాళీల వివరాలు అందించని శాఖల నుంచి ఇవాళ సాయంత్రం నాలుగు గంటల వరకు సమాచారం తెప్పించాలన్నారు. ఖాళీల వివరాలను అందించడాన్ని అత్యవసర అంశంగా పరిగణించాలని సీఎస్ ఆదిత్యనాథ్ దాస్ అధికారులను ఆదేశించారు.
ఇదీచదవండి.
