ఉపాధి కోసం వెళ్లి ముంబయి శివారు గోమహల్లిలో చిక్కుకుపోయిన కర్నూలు జిల్లా వాసులను ఆదుకోవాలని జనసేన అధినేత పవన్ కల్యాణ్‌ మహారాష్ట్ర ముఖ్యమంత్రి ఉద్ధవ్‌ఠాక్రేకు విజ్ఞప్తి చేశారు. కర్నూలు జిల్లా ఆలూరు, ఆదోని, మంత్రాలయం, ఎమ్మిగనూరు నియోజకవర్గాలకు చెందిన 500 కుటుంబాలు ముంబై శివార్లలో చిక్కుకుపోయిన విషయాన్ని లేఖ, ట్విట్టర్ ద్వారా ప్రస్తావించారు. వారంతా ఆహారం, మంచినీళ్లు, కనీస సదుపాయాలు లేక అవస్థలు పడుతున్నారని మహారాష్ట్ర సీఎం దృష్టికి తీసుకొచ్చారు. వారిని స్వస్థలాలకు తీసుకొచ్చేలా ఏపీ ప్రభుత్వం మహారాష్ట్ర సర్కారుతో చర్చలు జరపాలని కోరారు. కర్నూలు జిల్లాకు చెందిన ప్రజాప్రతినిధులు, కలెక్టర్‌ ఈ విషయంలో జోక్యం చేసుకోవాలని విజ్ఞప్తి చేశారు. ముంబైలో చిక్కుకుపోయిన వారి ఇబ్బందులు తెలిపేలా వీడియోలను పవన్ ట్విట్టర్లో పోస్ట్ చేశారు.
పవన్ పోస్ట్ చేసిన వీడియో
ఇదీచదవండి
