Ex Gratia: కొవిడ్ విధులు నిర్వహిస్తూ మృతి చెందితే ప్రభుత్వ పరిహారం.. ఎంతంటే..?

కరోనా విధులు నిర్వహిస్తూ మృతి చెందిన వైద్యారోగ్య సిబ్బంది కుటుంబ సభ్యులకు పరిహారాన్ని చెల్లించేందుకు రాష్ట్ర ప్రభుత్వం ఉత్తర్వులు జారీ చేసింది. కేటగిరీల వారీగా ఈ పరిహారం మొత్తాన్ని నిర్ధరిస్తూ వైద్యారోగ్యశాఖ ఆదేశాలిచ్చింది.

కొవిడ్ విధుల్లో మృతి చెందిన వైద్యారోగ్య సిబ్బంది కుటుంబ సభ్యులకు పరిహారాన్ని చెల్లించేందుకు రాష్ట్రప్రభుత్వం ఉత్తర్వులు జారీ చేసింది. కేటగిరీల వారీగా ఈ పరిహారం మొత్తాన్ని నిర్ధరిస్తూ వైద్యారోగ్యశాఖ ఆదేశాలిచ్చింది. కొవిడ్ విధులు నిర్వహిస్తూ వైద్యులు మృతి చెందితే..రూ. 25 లక్షలు, స్టాఫ్ నర్సులకు రూ.20 లక్షలు పరిహారం చెల్లించాలని ఉత్తర్వుల్లో పేర్కొంది.

ఎంఎన్ఓ(MNO), ఎఫ్​ఎన్​ఓ(FNO)లకు రూ.15 లక్షల పరిహారాన్ని ప్రభుత్వం నిర్ధేశించింది. ఇతర వైద్యారోగ్య సిబ్బందికి రూ. 10 లక్షల పరిహారం నిర్ధరిస్తూ ఉత్తర్వులు వెలువడ్డాయి. ప్రధాన మంత్రి గరీబ్ కల్యాణ్ యోజన కింద ఇచ్చే పరిహారానికి అదనంగా ఈ మొత్తాన్ని చెల్లించనున్నట్లు ఉత్తర్వుల్లో పేర్కొంది. ఈ పరిహారం కేవలం కొవిడ్ విధుల్లో ఉన్నవారికి మాత్రమే వర్తిస్తుందని ప్రభుత్వం స్పష్టం చేసింది.

ఇదీచదవండి