జగన్ అక్రమాస్తుల కేసులో రఘురాం సిమెంట్స్ ఛార్జ్షీట్పై హైదరాబాద్‌ సీబీఐ న్యాయస్థానంలో ఇవాళ విచారణ జరిగింది. రఘురాం సిమెంట్స్, జగన్మోహన్ రెడ్డిపై అభియోగాల నమోదుకై న్యాయవాదులు వాదనలు వినిపించారు. వాదనలు విన్న న్యాయస్థానం ఈ కేసు విచారణను ఈనెల 29కి వాయిదా వేసింది.
ఓబుళాపురం గనుల అక్రమాల కేసులో ఐఏఎస్ అధికారి శ్రీలక్ష్మి దాఖలు చేసిన డిశ్చార్జ్ పిటిషన్పై కౌంటరు దాఖలుకు సీబీఐ గడువు కోరింది. ఓఎంసీ కేసు నుంచి తనను తొలగించాలని కోరుతూ శ్రీలక్ష్మి ఇటీవల డిశ్చార్జ్ పిటిషన్ దాఖలు చేశారు. సీబీఐ గడువు కోరడంతో కేసు విచారణను ఈనెల 29కి న్యాయస్థానం వాయిదా వేసింది.
ఇదీచదవండి: జగన్ అక్రమాస్తుల కేసు:ఈడీ ఛార్జ్‌షీట్లపై సీబీఐ కోర్టులో విచారణ
