వైకాపా... భాజపా బ్రాంచ్​ ఆఫీస్ : శైలజానాథ్

రాష్ట్రంలో ముఖ్య సమస్యలను పక్కదారి పట్టించేందుకు వైకాపా ప్రభుత్వం... అమరావతి, కోర్టు వంటి అంశాలను లేవనెత్తుతోందని ఏపీసీసీ అధ్యక్షుడు శైలజానాథ్ విమర్శించారు. వైకాపా.. భాజపా బ్రాంచ్ ఆఫీస్ అని , జగన్ భాజపాకు మానస పుత్రుడని ఆయన వ్యాఖ్యానించారు. రాష్ట్రంలోని సమస్యలపై పార్టీ జాతీయ నాయకుడు రాహుల్ గాంధీతో ట్రాక్టర్ ర్యాలీ నిర్వహిస్తామన్నారు. నిధులు లేని కార్పొరేషన్లు ఎన్ని ఉంటే ఉపయోగం ఏంటని శైలజానాథ్ ఎద్దేవా చేశారు.

రాజధాని అమరావతి, కోర్టు వంటి అంశాలతో, మంత్రుల భాషా ప్రావీణ్యంతో వైకాపా ప్రభుత్వం ప్రజా సమస్యలను పక్క దారి పట్టిస్తోందని ఏపీసీసీ అధ్యక్షుడు శైలజానాథ్ ఆరోపించారు. విజయవాడలో కాంగ్రెస్ పార్టీ రాష్ట్ర, జిల్లా, నగర కార్యవర్గంతో ఆయన సమావేశం నిర్వహించారు. సీఎం జగన్ ఆర్​ఎస్​ఎస్​, భాజపా మానస పుత్రుడని... వైకాపా భాజపాకు బ్రాంచ్ ఆఫీస్ అని శైలజానాథ్ విమర్శించారు. కాంగ్రెస్ పథకాలకు పేర్లు మార్చి కొత్త పథకాలుగా వైకాపా ప్రచారం చేస్తోందని మండిపడ్డారు.

ఏపీలో రాహుల్ ట్రాక్టర్ ర్యాలీ!