సీఎం సహాయ నిధికి విరాళం ఇచ్చిన నాలుగేళ్ల బుడతడు
కరోనాపై పోరుకు ఓ బుడతడు సీఎం సహాయ నిధికి తనవంతు సహాయం చేసేందుకు ముందుకొచ్చాడు. విజయవాడకు చెందిన నాలుగేళ్ల హేమంత్ తాను సైకిల్ కొనుక్కోడానికి దాచుకున్న డబ్బులు రూ.971 ని కరోనాపై పోరాటం చేసేందుకు ప్రభుత్వానికి సాయంగా అందించాడు. తాడేపల్లిలోని వైకాపా కార్యాలయానికి తల్లీదండ్రులతో పాటు వచ్చిన హేమంత్... అక్కడికి వచ్చిన మంత్రి పేర్ని నానికి ఆ మొత్తాన్ని అందించారు. చిన్న వయస్సులో ఇలాంటి గొప్ప నిర్ణయం తీసుకున్న హేమంత్ను మంత్రి అభినందించారు. ఇచ్చిన ఆ మొత్తాన్ని సీఎం సహాయ నిధికి తప్పకుండా అందిస్తామని తెలిపారు. హేమంత్ కొనుక్కోవలనుకున్న సైకిల్ని తాను కొనిస్తానని బాలుడికి మంత్రి హామీ ఇచ్చారు.
ఇదీ చూడండి:
