ప్రభుత్వ, ప్రైవేటు వైద్య కళాశాలల్లో ప్రవేశాల కోసం మొత్తం దరఖాస్తుదారుల్లో.. దివ్యాంగుల కోటాలో 50 మంది, ఎన్‌సీసీ కోటాలో 438 మంది, క్రీడల కోటాలో 249 మంది, ఎక్స్‌-ఆర్మీ కోటాలో 297, పోలీసు అమరవీరుల కోటాలో ఒకరు, ఆంగ్లో ఇండియన్‌ కేటగిరీలో ఒకరు ఉన్నారు. దివ్యాంగుల కేటగిరీ అభ్యర్థులు ఈ నెల 23న విశ్వవిద్యాలయ మెడికల్‌ బోర్డు ఎదుట హాజరు కావాల్సి ఉంటుంది. మిగిలిన కేటగిరీ అభ్యర్థుల ధ్రువీకరణ పత్రాలను సోమవారం నుంచి విశ్వవిద్యాలయంలోనే పరిశీలిస్తారు. ఈ నెలాఖరున ఆప్షన్ల నమోదుకు అవకాశం కల్పిస్తారు. డిసెంబరు మొదటి వారంలో సీట్లను కేటాయించే అవకాశం ఉంది. డిసెంబరు 15వ తేదీ నుంచి ఎంబీబీఎస్‌ మొదటి సంవత్సరం తరగతులు ప్రారంభించేందుకు సన్నాహాలు చేస్తున్నామని ఎన్టీఆర్‌ ఆరోగ్య విశ్వవిద్యాలయం రిజిస్ట్రార్‌ కె.శంకర్‌ తెలిపారు.
ఇదీ చదవండి: 'ప్రైవేటు ఆసుపత్రులపై పార్లమెంటరీ కమిటీ మండిపాటు'
