మంచి మనుషులు... మూగజీవాల కడుపు నింపారు

కరోనాపై పోరులో భాగంగా లాక్​డౌన్​ విధించటంతో నిరుపేదలతో పాటు మూగజీవాలు సైతం ఆహారం లేక అలమటిస్తున్నాయి. కొంతమంది గొప్ప మనసుతో వాటి బాధను అర్థం చేసుకుని ఆకలి తీరుస్తున్నారు. ఇవాళ అలిపిరిలో మూగజీవాల కడుపు నింపారు సిటీ ఛాంబర్ సభ్యులు.

లాక్​డౌన్​ ప్రభావం మూగజీవాలపైనా కనిపిస్తోంది. తిరుపతిలో చాలా వరకూ రహదారుల్లో మూగజీవాలు ఆహారం దొరక్క దీనావస్థను అనుభవిస్తున్నాయి. ఈ నేపథ్యంలో కొంతమంది మానవతా దృక్పథంతో ముందుకు వస్తున్నారు. ఆకలితో ఉన్న నిరుపేదలకు ఆహారం అందిచటంతో పాటు మూగజీవాల ఆకలినీ తీరుస్తున్నారు. తిరుపతిలోని అలిపిరిలో సిటీ ఛాంబర్ ఆధ్వర్యంలో మూగజీవాలకు కాయగూరలను ఆహారంగా అందించారు. టమాటాలు, క్యారెట్, క్యాబేజీ, కాలీఫ్లవర్​లతో వాటి ఆకలి తీర్చారు. నిరుపేదలను ఆదుకోవటంతో పాటు పశుసంపదను కాపాడుకోవటంపైనా దాతలు దృష్టి పెట్టాలని వారు కోరారు.

ఇదీ చదవండి: 'ఆందోళన... కరోనా కన్నా ప్రమాదకరం'