బర్డ్ ఆసుపత్రి ప్రాంగణంలో తితిదే నిర్మిస్తున్న చిన్న పిల్లల ఆసుపత్రి నూతన భవన నిర్మాణాలు ఈ నెల 20 లోపు పూర్తి చేయాలని తితిదే ఈవో జవహర్ రెడ్డి అధికారులను ఆదేశించారు. బర్డ్ ఆసుపత్రిలో జరుగుతున్న నిర్మాణాలను ఆయన పరిశీలించారు. మూడు ఆపరేషన్ థియేటర్లు, ఓపీ, ఐసీయూ, జనరల్ వార్డులు, ల్యాబ్, పరిపాలనా విభాగాల పనుల పురోగతిపై ఆరా తీశారు.
నిర్మాణాలను వేగవంతం చేయాలని ఇంజినీరింగ్ అధికారులకు సూచించారు. వైద్య పరికరాలు, ఫర్నీచర్, ఇతర యంత్రాలు ఏర్పాటు ఎప్పటిలోపు పూర్తవుతుందనే విషయాన్ని అధికారులను అడిగి తెలుసుకున్నారు. భవన నిర్మాణాలకు ఇసుక కొరత ఉంటే తన దృష్టికి తీసుకురావాలని చెప్పారు.
ఇదీ చదవండి:
CM Letter To PM: 'తెలంగాణ అక్రమ నీటి వాడకంపై చర్యలు తీసుకోండి'
