తిరుమల శ్రీవారిని తెలంగాణ రాష్ట్ర గవర్నర్ తమిళిసై సౌందరరాజన్ దర్శించుకున్నారు. ఉదయం వీఐపీ ప్రారంభ దర్శన సమయంలో ఆలయానికి చేరుకున్న గవర్నర్కు తితిదే ఆధికారులు స్వాగతం పలికారు. శ్రీవారి దర్శనం అనంతరం రంగనాయకుల మండపంలో పండితులు వేదాశీర్వచనం పలికి శేషవస్త్రంతో సత్కరించారు. స్వామివారి తీర్థప్రసాదాలను అందజేశారు. ప్రజలందరికీ సంక్రాంతి శుభాకాంక్షలు తెలిపిన గవర్నర్.. ప్రజలందరూ కరోనా వ్యాక్సిన్ వేసుకుని వైరస్ బారి నుంచి రక్షించుకోవాలని కోరారు.
తెలుగు ప్రజలందరికీ సంక్రాంతి శుభాకాంక్షలు. ప్రజలందరూ ఆయురారోగ్యాలు, సుఖసంతోషాలతో ఆనందంగా ఉండాలని కోరుకుంటున్నాను. అర్హత కలిగిన ప్రతి ఒక్కరూ కరోనా వ్యాక్సిన్ వేయించుకోవాలి - తమిళి సై, తెలంగాణ రాష్ట్ర గవర్నర్
ఇదీచదవండి.
