తిరుపతిలో కీచక సంహార గణపతి విగ్రహం..

వినాయక చవితి సంబరాలు ఊరువాడలల్లో వాతావరణం సందడిగా కనిపిస్తోంది. తిరుపతిలో ఏర్పాటు చేసిన కీచక సంహార గణపతి విగ్రహం తన ప్రత్యేకతను చాటుకుంటుంది.

వినాయక చవితి సంబరాలు అంబరాన్నంటుతున్నాయి.ఊరువాడలా గణపతి విగ్రహాల వద్ద సందడి వాతావరణం కనిపిస్తోంది. రాష్ట్ర ఆధ్యాత్మిక రాజధాని తిరుపతి నగరంలో ఈ సారి ఏర్పాటు చేసిన వినాయక విగ్రహాలు ఆకట్టుకుంటున్నాయి. ఓ పక్క పర్యవరణ హిత వినాయక విగ్రహాలను ఏర్పాటు చేసిన ఉత్సవ కమిటీలు..మరో పక్క సామాజిక సందేశాలకు పెద్ద పీట వేశాయి. తిరుపతిలోని ఎస్టీవీ నగర్​లో ఏర్పాటు చేసిన ఈ కీచక సంహార గణపతి విగ్రహం తన ప్రత్యేకతను చాటుకుంటోంది. కేసు నమోదై ఏ శిక్షా పడకుండా తిరుగుతున్న నిందితులను..వినాయకుడు శిక్షిస్తున్నట్లుగా ఇక్కడ గణపతిని కొలువు తీర్చారు. సామాజిక దృక్కోణంలో ఈ విగ్రహాన్ని ఏర్పాటు చేసినట్లు నిర్వాహకులు చెబుతున్నారు.

ఇదీ చదవండి:ఔరా..! ఇలా కూడా వినాయకుడిని తయారు చేయొచ్చా