ఎన్ని రాళ్లని ఒకదానిమీద ఒకటి పేరిస్తే... అన్ని అంతస్తుల ఇల్లు కట్టుకుంటామనీ... లేదా పడిపోకుండా వీటిలా నిలబెడితే కోరుకున్న కోర్కెలు తీరతాయనీ నమ్ముతుంటారు. అయితే... అలాంటి రాళ్ల వరసలే రష్యాలోని కేప్‌ వ్యాట్లినా బీచ్‌ దగ్గరా కుప్పలు తెప్పలుగా కనిపిస్తాయి. 2015లో ఆ ప్రాంతపు 155వ వార్షికోత్సవం సందర్భంగా... కొందరు పర్యావరణ ప్రేమికులు ఇలాంటి 155 రాళ్ల వరసల్ని పేర్చారట.
ఆ తర్వాత నుంచి అక్కడికి వచ్చిన పర్యటకులూ... ఇలా పేర్చడం మొదలుపెట్టారు. దీంతో ఆ ఒడ్డు నిండా ఇలాంటి స్తూపాలే కనిపిస్తాయి. ఇలా చేస్తే మనం కోరుకున్న కోరిక తీరుతుందని... మనలాగే అక్కడివాళ్లూ నమ్ముతారట. చాలా ఏకాగ్రతతో చేస్తే కానీ ఈ పని పూర్తవ్వదు కనుక ఇదో సరదా అంటారు వీటిని పేర్చే కొందరు. ఏది ఏమైనా మన రాళ్ల స్తూపాలు అక్కడా ఉండటం ఆశ్చర్యమే కదా..!
ఇదీ చదవండి:చంకలో పిల్లిని పెట్టుకెళ్లొచ్చు తెలుసా..!
