వారి దౌర్జన్యాలను నిలువరించేలా కాంగ్రెస్ అభ్యర్థిని గెలిపించండి: తులసిరెడ్డి

భాజపా, వైకాపా చేస్తున్న దౌర్జన్యాలను నిలువరించేలా.. తిరుపతి ఉపఎన్నికల్లో కాంగ్రెస్ అభ్యర్థిని గెలిపించాలని పీసీసీ కార్యనిర్వాహక అధ్యక్షుడు తులసిరెడ్డి అన్నారు. కాంగ్రెస్ అభ్యర్థి చింతా మోహన్ తరఫున.. ఎంఆర్​పల్లిలో ఆయన ప్రచారం చేపట్టారు.

తిరుపతి లోక్​సభ ఉపఎన్నికల్లో కాంగ్రెస్ పార్టీ అభ్యర్థిని గెలిపించాలని కోరుతూ.. పీసీసీ కార్యనిర్వాహక అధ్యక్షుడు తులసిరెడ్డి ప్రచారం నిర్వహించారు. తిరుపతిలోని ఎంఆర్​పల్లిలో పర్యటించిన ఆయన.. కాంగ్రెస్ అభ్యర్థి చింతా మోహన్​కు ఓటు వేసి గెలిపించాలని ప్రజలను కోరారు. కరపత్రాలను పంచుతూ కాంగ్రెస్ పార్టీ హామీలను ఓటర్లకు వివరించారు.

ఇదీ చదవండి: ఇడుపులపాయలో విద్యార్థుల మధ్య ఘర్షణ..