అయ్యప్పల వెనకే కాలినడకన శునకం ప్రయాణం
రాష్ట్రం నుంచి శబరిమలకు కాలినడకన బయల్దేరిన భక్తుల బృందాన్ని ఓ శునకం అనుసరిస్తోంది. చాలా కిలోమీటర్లు ప్రయాణించినా... కాళ్ల నొప్పితో బాధ పడుతున్నా.. శునకం తన ప్రయాణాన్ని ఆపడం లేదు. అక్టోబర్ 31న తిరుమల నుంచి 13 మంది అయ్యప్ప భక్తుల బృందం.. శబరిమల అయ్యప్ప దర్శనానికి బయలుదేరింది. ఈ స్వాముల బృందం ప్రస్తుతం కర్ణాటకలోని చిక్కమంగళూరు జిల్లా కొట్టిగేహర చేరుకుంది. స్వాములు మొత్తం 480 కిలోమీటర్ల దూరం ప్రయాణించాల్సి ఉంది. మొదటి నుంచి ఇప్పటివరకూ శునకం వారిని అనుసరిస్తూనే ఉంది. తాము మొదట గమనించలేదని.. చాలా దూరం నుంచి తమతోనే రావడం చూసి ఆశ్చర్యపోయామని స్వాములు తెలిపారు. తమ కోసం తయారు చేసుకున్న ఆహారంలో కొంత శునకానికి అందిస్తున్నట్టు చెప్పారు. ఈ సారి శబరిమల యాత్రలో తమకు ఇది వినూత్న అనుభవమని వెల్లడించారు.
