తిరుమల శ్రీ వేంకటేశ్వరస్వామి వారి ఆలయంలో.. 25 రోజుల పాటు నిర్వహించనున్న అధ్యయనోత్సవాలు ఘనంగా ప్రారంభమయ్యాయి. ప్రతిరోజూ రాత్రి 7.30 నుండి 8.30 గంటల వరకు.. రంగనాయకుల మండపంలో ఈ కార్య‌క్ర‌మాల‌ను నిర్వ‌హిస్తారు. ధనుర్మాసంలో వైకుంఠ ఏకాదశికి 11 రోజులు ముందు నుంచి వీటిని జరపడం ఆన‌వాయితీగా వ‌స్తోంది.
అధ్యయనోత్సవాల్లో భాగంగా.. స్వామివారి ప్రాశస్త్యంపై 12 మంది ఆళ్వార్లు రచించిన దివ్యప్రబంధ పాశురాలను శ్రీవైష్ణవ జీయంగార్లు గోష్ఠిగానం చేస్తారు. ఆళ్వార్‌ దివ్యప్రబంధంలోని 4 వేల పాశురాలను 25 రోజుల పాటు.. శ్రీవారి ఆలయంలోని రంగనాయకుల మండపంలో శ్రీవైష్ణవులు పారాయణం చేస్తారు. తొలి 11 రోజులను పగల్‌పత్తు అని.. మిగిలిన 10 రోజులను రాపత్తు అని వ్యవహరిస్తారు. 22వ రోజున కణ్ణినున్‌ శిరుత్తాంబు, 23వ రోజున రామానుజ నూట్రందాది, 24వ రోజున శ్రీవరాహస్వామివారి సాత్తుమొర జరుగుతుంది. 25వ రోజున అధ్యయనోత్సవాలు పూర్తవుతాయి.
ఇదీ చదవండి:
తిరుపతి: బంగారు కిరీటాల చోరీ కేసులో నిందితుడికి ఏడాది జైలు శిక్ష
