తూర్పు గోదావరి జిల్లా పి.గన్నవరం మండలం పోతవరం గ్రామంలో తాళం వేసిన ఇంటికి కన్నం వేశారు దొంగలు. గ్రామానికి చెందిన నందెపు శ్యామలరావు కుటుంబం పదిహేను రోజుల క్రితం హైదరాబాద్ వెళ్లింది. ఇంట్లో ఎవరూ లేని విషయం గమనించిన దొంగలు.. గుట్టుచప్పుడు కాకుండా ఇంట్లో ప్రవేశించారు. 54 తులాల బంగారం, 4 కిలోల వెండి అపహరించుకుపోయారు.
అయితే.. చోరీ తర్వాత ప్రతి గదిలోనూ కారం వెదజల్లి పోయారు! చోరీ సమాచారం అందుకున్న పోలీసులు.. ఘటనాస్థలికి చేరుకుని వివరాలు సేకరించారు. దొంగతనం గుర్తులు తెలియకుండా ఉండేందుకే కారం చల్లినట్టు పోలీసులు చెప్పారు. ఇదే గ్రామంలో శనివారం కూడా.. మరో చోరీ జరగటంతో వరుస దొంగతనాలు జరుగుతున్నాయని గ్రామస్థులు ఆందోళన చెందుతున్నారు. బాధితులను పి.గన్నవరం శాసనసభ్యుడు కొండేటి చిట్టిబాబు పరామర్శించారు.
ఇదీ చదవండి :
CASH SEIZED: పంచలింగాల చెక్పోస్ట్ వద్ద భారీగా నగదు పట్టివేత..ఎంతంటే..!
