MLA Kondeti: 'గడప గడపకు మన ప్రభుత్వం' కార్యక్రమంలో కోనసీమ జిల్లా పి.గన్నవరం శాసన సభ్యుడికి చుక్కెదురైంది. కొండుకుదురు గ్రామంలో ఈ కార్యక్రమానికి హాజరైన ఎమ్మెల్యే కొండేటి చిట్టిబాబును మహిళ గట్టిగా నిలదీసింది.
మాకు ఇక్కడ వంతెన కావాలని ఎప్పటినుంచో అడుగుతున్నా పట్టించుకోవడం లేదని ఎమ్మెల్యే ఎదుట మహిళ ఆవేదన వ్యక్తం చేసింది. 'నా దృష్టికి ఎప్పుడు ఈ సమస్య తీసుకురాలేదని' ఎమ్మెల్యే చిట్టిబాబు సమాధానం ఇవ్వగా.. ఆగ్రహించిన ఆమె.. మీరు నెగ్గిన తర్వాత ఇప్పుడే రావడం.. అందుకే అడుగుతున్నామంటూ గట్టిగా జవాబు చెప్పింది. అన్ని వస్తువుల ధరలు పెరిగిపోయాయని.. ఇప్పటికైనా వంతెన నిర్మించాలని ఆ మహిళ ఎమ్మెల్యేకు మొర పెట్టుకుంది. మరోపక్క విద్యుత్ ఛార్జీలు పెరిగిపోయాయని ఆ మహిళా ఎమ్మెల్యేకు చెప్పగా.. వివరణ ఇచ్చేందుకు యత్నించిన చిట్టిబాబు విఫలమయ్యారు. గతంలో మీ ఇంట్లో ఎన్ని ఫ్యానులు ఉన్నాయి... ఇప్పుడు విద్యుత్ వాడకం పెరిగిందని.. అందుకే బిల్లు ఎక్కువ వచ్చిందంటూ ఎమ్మెల్యే ఆమెకు చెప్పి శాంతపరచాలనుకున్నారు... అందుకు ఆమె వెరవకుండా.. ఇంట్లోకి వచ్చి చూసుకోండి ఎన్ని ఫ్యానులు ఉన్నాయో మీకే తెలుస్తుందని బదులిచ్చింది.
ఇవీ చదవండి :
