తూర్పు గోదావరి జిల్లా ఏజెన్సీ ప్రాంతంలోని రంపచోడవరం, ఎటపాక డివిజన్ల పరిధిలోని 11 మండలాల్లో.. 186 పంచాయతీలకు ఎన్నికల పోలింగ్‌ సమయాన్ని కుదిస్తూ రాష్ట్ర ఎన్నికల కమిషనర్‌ నిమ్మగడ్డ రమేశ్‌కుమార్‌ ఉత్తర్వులు జారీ చేశారు. ఈ సందర్భంగా జిల్లా కలెక్టర్‌, జిల్లా ఎన్నికల అధికారి డి. మురళీధర్‌రెడ్డి రాసిన లేఖపై స్పందించి ఈ నిర్ణయం తీసుకున్నట్లు పేర్కొన్నారు.
మన్యంలో ఈనెల 17న నిర్వహించనున్న ఎన్నికల పోలింగ్‌ సమయాన్ని ఉదయం 6.30 నుంచి మధ్యాహ్నం 1.30 గంటల వరకు కుదిస్తూ ఉత్తర్వులు జారీ చేశారు. మధ్యాహ్నం 2 గంటల నుంచి ఓట్ల లెక్కింపు చేపట్టాలని ఉత్తర్వుల్లో పేర్కొన్నారు.
