దర్శి పైనే ఆసక్తి: మంత్రి శిద్ధా

ఒంగోలు లోక్​సభ స్థానానికి పోటీ చేయాలని ముఖ్యమంత్రి చంద్రబాబు తనను కోరారని మంత్రి శిద్ధా రాఘవరావు చెప్పారు. తనకు మాత్రం సొంత నియోజకవర్గం దర్శి పైనే ఆసక్తి ఉందని స్పష్టం చేశారు.

శిద్ధా రాఘవరావు మీడియా సమావేశం

ఒంగోలు పార్లమెంట్‌ నియోజకవర్గం నుంచి తాను పోటీ చేయాల్సిందిగా ముఖ్యమంత్రి చంద్రబాబు కోరుతున్నారని... సొంత నియోజకవర్గం నుంచి శాసనసభకు పోటీ చేయడానికే తనకు ఆసక్తి ఉందని రాష్ట్ర మంత్రి శిద్ధా రాఘవరావు చెప్పారు. ఒంగోలు పార్లమెంట్‌కు శిద్ధా వెళుతున్నారని తెలిసి... దర్శి నుంచి పెద్ద ఎత్తున కార్యకర్తలు, అభిమానులు ఆయన నివాసానికి తరలివచ్చారు. దర్శి నుంచే పోటీ చేయాలని వారు నినాదాలు చేశారు. కార్యకర్తలు, కుటుంబసభ్యుల అభిప్రాయం తెలుసుకుంటానని సీఎంకు చెప్పానని.... అయితే తాను మాత్రం దర్శి టికెట్‌ కోరానని శిద్ధా అన్నారు. చంద్రబాబు నిర్ణయం ఏదైనా తాను కట్టుబడి ఉంటానన్నారు.

ఇదీ చదవండి