"శివయ్య దర్శనానికి భల్లూకాలు" - భక్తులకంటే ముందే ఆలయానికి రాక

తెల్లవారుజామున గుడిలోకి చొరబడిన 3 ఎలుగుబంట్లు

Bear Halchal Shiva Temple Suvarnapuram in Srikakulam District : శ్రీకాకుళం జిల్లా మందస మండలం సువర్ణపురంలోని శివాలయంలో ఎలుగుబంట్లు హల్‌చల్‌ చేశాయి. తెల్లవారుజామున గుడిలోకి 3 ఎలుగుబంట్లు చొరబడ్డాయి. కార్తిక పౌర్ణమి సందర్భంగా భక్తులు శివుణ్ని దర్శించుకునేందుకు వెళ్లేసరికి ఎలుగుబంట్లు సంచరించడంతో ఒక్కసారిగా భయాందోళనకు గురయ్యారు. భల్లూకాలు అటూ ఇటూ తిరుగుతూ కాసేపు అలజడి సృష్టించాయి. కాసేపటికి ఎలుగుబంట్లు సమీపంలోని తోటల్లోకి వెళ్లడంతో భక్తులు ఊపిరి పీల్చుకున్నారు.