కర్నూలులో ప్రతి రోజూ 50 టన్నుల పొడి చెత్త పోగవుతోంది. ఇందులో 25 టన్నులు ప్లాస్టిక్ వ్యర్థాలే ఉంటున్నాయి. మురుగుకాలువలు, హంద్రీ, తుంగభద్ర నదుల్లో ప్లాస్టిక్ వ్యర్థాలు చేరి జీవరాశులకు హాని కలిగిస్తున్నాయి. ప్రస్తుతం ప్లాస్టిక్ వినియోగం కొంతమేర తగ్గినా పూర్తిస్థాయిలో నివారించాలని అధికారులు నిర్ణయించారు. ఇందుకోసం "ప్లాస్టిక్ హఠావో- కర్నూలు బచావో" అనే కార్యక్రమాన్ని ప్రారంభించారు.
ప్లాస్టిక్ వల్ల కలిగే దుష్పరిణామాలపై నగరంలో అవగాహనా కార్యక్రమాలు నిర్వహిస్తున్నారు. మార్కెట్ల వద్ద ప్లాస్టిక్ కవర్లు తీసుకెళ్తున్న వారికి మున్సిపల్‌ అధికారులు, సిబ్బంది పర్యావరణహిత కాటన్‌ బ్యాగులను ఉచితంగా అందిస్తున్నారు. పొదుపు సంఘాల్లోని మహిళలతో మరిన్ని సంచులు తయారు చేయించి, పంపిణీ చేయిస్తామని కర్నూలు మేయర్‌, కమిషనర్‌ చెప్పారు. వచ్చే నెల ఒకటో తేదీ నుంచి ప్లాస్టిక్ సంచులు విక్రయించినా, వినియోగించినా పెద్ద మొత్తంలో జరిమానా విధించాలని అధికారులు భావిస్తున్నారు.
ఇదీచదవండి.
