'వైకాపా వంద రోజుల పాలన వైఫల్యాలమయం'

వైకాపా వంద రోజుల పాలన వైఫల్యాలమయంగా మారిందని జనసేన పార్టీ ఆరోపించింది. ఇసుక విధానంలో స్పష్టత లేక..రాష్ట్ర నిర్మాణ రంగం కుదేలైందని అభిప్రాయపడింది. ప్రశాంత కోనసీమలోని రాజోలు నియోజకవర్గంలో 144 సెక్షన్​ ఉందని..ఎమ్మెల్యే రాపాక వరప్రసాద్​ ఆవేదన వ్యక్తం చేశారు.

వైకాపా వంద రోజుల పాలన ఘోరంగా వైఫల్యం చెందిందని..ఎమ్మెల్యే రాపాక వరప్రసాద్​ ఆరోపించారు. శనివారం కాకినాడలో జరిగిన సమావేశంలో జనసేన నాయకులు కందుల దుర్గేశ్​, పంతం నానాజీ, రాజబాబు, పితాని బాలకృష్ణ ప్రభుత్వ తీరును విమర్శించారు.

నూతన ఇసుక విధానం అస్తవ్యస్తంగా ఉందని అభిప్రాయపడ్డారు. రాజధాని విషయంలోనూ స్పష్టత లేదని..అందుకే పెట్టుబడులు వెనక్కిపోతున్నాయన్నారు. గోదావరి వరదల సహాయక చర్యల్లో యంత్రాంగం విఫలమైందన్నారు. ఎమ్మెల్యే వరప్రసాద్​పై అక్రమ కేసులు బనాయించారని మండిపడ్డారు. ఉభయగోదావరి జిల్లాల్లో రాయలసీమ ఇసుక ముఠా జోక్యం చేసుకుంటుందని ఆగ్రహం వ్యక్తం చేశారు. రాజోలులో 144 సెక్షన్​ అమలుపై ఆవేదన చెందారు.

ఇవీ చదవండి...రాపాక విడుదల.. ఎస్సై తీరుపై తీవ్ర ఆగ్రహం