దొంగనోట్లు, గంజాయి ముఠా గుట్టురట్టు

కడపలో దొంగనోట్లు చలామణీ చేస్తూ.. గంజాయి సరఫరా చేస్తున్న ఐదుగురు సభ్యుల ముఠాను పోలీసులు అరెస్ట్ చేశారు. పట్టుబడిన వారిలో ఇద్దరు నైజీరియన్లు ఉన్నారని ఎస్పీ తెలిపారు.

దొంగ నోట్లు, గంజాయి ముఠా గుట్టును కడప పోలీసులు రట్టు చేశారు. కామెరూన్ దేశానికి చెందిన ఇద్దరు వ్యక్తులతోపాటు కడప, విశాఖకు చెందిన మరో ముగ్గురు ఈ నేరాలకు పాల్పడినట్లు జిల్లా ఎస్పీ అన్బురాజన్ తెలిపారు. ఇటీవల స్పందనలో వచ్చిన ఫిర్యాదు మేరకు దర్యాప్తు చేపట్టిన పోలీసులు... నగరంలోని సిద్ధ ప్రియ లాడ్జిలో ఐదుగురు నిందితులను అరెస్ట్ చేశారు. వారిని కడపకు చెందిన సాయికృష్ణ, విశాఖ జిల్లా పాడేరుకు చెందిన దాసుబాబు, జగన్నాథం, ఇద్దరు నైజీరియన్లుగా గుర్తించారు. వీరి నుంచి 7 లక్షల 28 వేల రూపాయల నకిలీ కరెన్సీ నోట్లు, 9 కిలోల గంజాయి, ల్యాప్​టాప్​లు, బ్యాంకు పాసు పుస్తకాలు, సెల్ ఫోన్లు స్వాధీనం చేసుకున్నారు.

ఇవీ చదవండి..