cm Jagan kadapa tour: నేడు.. ముఖ్యమంత్రి జగన్ కడప జిల్లా పర్యటనకు వెళ్లనున్నారు. ఈ మేరకు జిల్లా యంత్రాంగం కట్టుదిట్టమైన ఏర్పాట్లను చేసింది. ఉదయం 10 గంటలకు విమానాశ్రయానికి చేరుకుని.. అక్కడ్నుంచి హెలికాప్టర్లో ప్రభుత్వ సర్వజన ఆసుపత్రికి చేరుకుంటారు. అక్కడ నిర్మించిన పుష్పగిరి కంటి ఆసుపత్రిని ప్రారంభిస్తారు. అనంతరం డిప్యూటీ సీఎం అంజాద్ బాషా కుమార్తె వివాహ కార్యక్రమానికి హాజరు కానున్నారు.
కట్టుదిట్టమైన భద్రత..
సీఎం పర్యటన దృష్ట్యా.. కట్టుదిట్టమైన భద్రత ఏర్పాటు చేశారు. 13 మంది డీఎస్పీలు, 30 మంది సీఐలు, 76 ఎస్ఐలతో పాటు కానిస్టేబుళ్లు, స్పెషల్ పార్టీ వారు బందోబస్తులో విధులు నిర్వర్తించనున్నారు. బందోబస్తు ఏర్పాట్లను జిల్లా ఎస్పీ అన్బురాజన్ పరిశీలించారు. సీఎం పర్యటనలో ఎలాంటి లోపాలు లేకుండా చూడాలని సిబ్బందికి దిశానిర్దేశం చేశారు.
సాయంత్రం విశాఖకు వెళ్లనున్న సీఎం
సీఎం జగన్.. కడప పర్యటన అనంతరం సాయంత్రం 4.45 గంటలకు విశాఖకు వెళ్లనున్నారు. ప్రెసిడెన్షియల్‌ ఫ్లీట్‌ రివ్యూ నేపథ్యంలో విశాఖకు వస్తున్న రాష్ట్రపతి కొవింద్కు ఐఎన్‌ఎస్‌ డేగా వద్ద స్వాగతం పలకనున్నారు. తిరిగి రాత్రి 7 గం.కు తాడేపల్లి నివాసానికి చేరుకోనున్నట్లు అధికార వర్గాలు తెలిపాయి.
ఇదీ చదవండి
