Two died by falling in Puddle: కడప జిల్లా కాశినాయన మండలంలో ఘోరం జరిగింది. నీటి కుంటలో ప్రమాదవశాత్తు పడిన ఇద్దరు యువకులు అసువులు బాశారు. కుటుంబీకులకు తీరని దుఃఖం మిగిల్చారు.
కడప జిల్లా కాశినాయన మండలం ఆకుల నారాయణ పల్లె గ్రామానికి చెందిన శ్రీకాంత్, నారాయణ, కళ్యాణ్ ముగ్గురూ.. ద్విచక్ర వాహనంపై పోరుమామిళ్ల పట్టణానికి వెళ్ళారు. అక్కడ పనులు ముగించుకొని తిరిగి ఇంటికి వస్తుండగా నరసాపురం మోడల్ స్కూల్ వద్ద ఉన్న నీటి కుంటలలో వీరు ప్రయాణిస్తున్న ద్విచక్ర వాహనం అదుపు తప్పి పడిపోయింది. అదృష్టవశాత్తు కళ్యాణ్ ప్రమాదం నుంచి బయటపడగా శ్రీకాంత్, నారాయణ నీటి ఊబిలో చిక్కుకొని బయటకు రాలేక.. ప్రాణాలు కోల్పోయారు. మరణించిన ఇద్దరు యువకుల మృతదేహాలను అగ్నిమాపక అధికారులు, పోలీసులు గాలింపు చర్యలు చేపట్టి బయటకు తీశారు. ఇంటికి ఆధారంగా ఉన్నా ఇద్దరు యువకుల మృతితో తల్లిదండ్రులు కన్నీరుమున్నీరవుతున్నారు.
ఇదీ చదవండి : Marijuana gang : విశాఖలో గంజాయి ముఠా బీభత్సం..కారును వదిలి, చెరువులోకి దూకి..
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
