కడప జిల్లా రైల్వే కోడూరు నియోజకవర్గంలోని మాధవరంపోడు... కోడూరు పట్టణానికి 5 కిలోమీటర్ల దగ్గరలో ఉంది. ఆ పల్లెలోనే గబ్బిలాలను దేవతామూర్తులుగా కొలుస్తారు. ఈ గబ్బిలాలు వచ్చినప్పటి నుంచి గ్రామ ఇబ్బందులు తొలగిపోయాయని... అభివృద్ధి బాటలో ఉన్నామని వీరి నమ్మకం.
ఒకప్పుడు ముఠా తగాదాలతో గ్రామం రక్తసిక్తమై ఉండేది. ఈ పక్షుల రాకతో ప్రశాంతం వాతావరణం నెలకొందని గ్రామస్థుల చెబుతున్నారు. అప్పటి నుంచి ఆ పక్షులకు ప్రమాదం లేకుండా చూస్తున్నారీ పల్లె ప్రజలు. ఎవర్నీ వేటాడనీయ్యరు. ఎప్పటికప్పుడు రక్షణ కల్పిస్తున్నారు. ఆ ఊరి ప్రజలే కాదు.. చుట్టుపక్కల ప్రజలకూ ఈ గబ్బిలాలు పూజాదేవుళ్లే.
గబ్బిలాల మలాన్ని వ్యాధిగ్రస్థులైన పిల్లల శరీరానికి పూసి స్నానాలు చేస్తే ఆరోగ్యవంతులవుతారని ఇక్కడి వారి నమ్మకం. దిష్టి తగలకుండా వాటి ఎముకలు మెడకు, మొలతాడుకు కట్టుకుంటారు. గత 35 ఏళ్లుగా ఈ సంప్రదాయం కొనసాగుతోంది.
ఒకప్పుడు... మాధవరంపోడు గ్రామంలో గబ్బిలాలు ఒక చెట్టుకే ఉండేవి...ఇప్పుడవి విస్తరించాయి. రాత్రిపూట అడవికి వెళ్లి ఆహారం తిని తెల్లవారేసరికి గ్రామానికి చేరుకుంటాయి.
నిఫా వైరస్ గబ్బిలాలతో వచ్చిందని ప్రచారం జరిగినా ఈ ప్రాంత ప్రజలు పట్టించుకోలేదు. ఆ పక్షులతో ఎలాంటి ఇబ్బంది లేదని చెబుతున్న ఈ గ్రామస్థులు.. తమకు మంచే జరుగుతుందని చెబుతున్నారు.
ఇవి కూడా చదవండి:
