గుంటూరులో లాక్​డౌన్: అత్యవసర వైద్య సేవలు మినహా...

కరోనా వ్యాప్తిని అరికట్టేందుకు రాష్ట్రంలో లాక్​డౌన్ ప్రకటించారు. ఫలితంగా వైద్య సేవలకు పేరొందిన గుంటూరు ఇప్పుడు వెలవెలబోతోంది. ఎప్పుడూ రోగులతో రద్దీగా ఉండే ఆసుపత్రులూ మూతపడ్డాయి. కేవలం అత్యవసర సేవలందించే వాటిని మాత్రమే అందుబాటులో ఉంచారు.

గుంటూరులో లాక్​డౌన్ ప్రభావం కన్పిస్తుంది. ఒక్క గుంటూరు నగరంలో 120 వరకు ఆస్పత్రులుండగా... కేవలం అత్యవసర వైద్యసేవలను మాత్రమే అందిస్తున్నారు. ఓపీ, సాధారణ సేవలను పూర్తిగా నిలిపివేశారు. ఎప్పుడూ రద్దీగా ఉండే ఓల్డ్ క్లబ్ రోడ్ పరిసర ప్రాంతాలు, బస్టాండ్​కు వెళ్లే మార్గాలు బోసిపోతున్నాయి. లాక్​డౌన్ పరిస్థితిని స్థానిక ఎమ్మెల్యే మహ్మద్ ముస్తఫా పరిశీలించారు. కరోనా వ్యాప్తి నివారణకు ప్రభుత్వం కట్టుదిట్టంగా పనిచేస్తుందని ఎమ్మెల్యే చెప్పారు. ప్రజలు సహకరించాలని కోరారు. అత్యవసరం అయితే తప్ప బయటకు రావద్దని ఎమ్మెల్యే ముస్తఫా కోరారు.

ఇవీ చూడండి-గుంటూరులో పకడ్బందీగా లాక్​డౌన్ అమలు