సీపీఎస్ను రద్దు చేయాలని ఉపాధ్యాయులు నిరసన
కాంట్రిబ్యూటరీ పెన్షన్‌ స్కీమ్‌ (సీపీఎస్)ను వెంటనే రద్దు చేసి పాత పింఛను విధానాన్నిఅమలు చేయాలని ఎమ్మెల్సీ లక్ష్మణరావు డిమాండ్ చేశారు. గుంటూరు శంకర్ విలాస్ కూడలి వద్ద సీపీఎస్ విధానాన్నిరద్దు చేయాలని కోరుతూ ఫ్యాఫ్టో ఆధ్వర్యంలో ఉపాధ్యాయులు నిరసన ప్రదర్శనలు చేపట్టారు. సీపీఎస్ రద్దు చేస్తామని చెప్పిన ప్రభుత్వం 3 నెలలు గడిచినా... రద్దు చేయకపోవడం దారుణమన్నారు. ఈ విధానం వలన ఉద్యోగులు నష్టపోతారని వివరించారు. ప్రభుత్వం వెంటనే తన నిర్ణయాన్ని ప్రకటించాలని డిమాండ్ చేశారు. ప్రభుత్వం దిగివచ్చేవరకూ క్విట్‌ సీపీఎస్ పోరాటాన్ని ఉద్ధృతం చేస్తామన్నారు.
