మూడు రాజధానుల బిల్లుల ఆమోదాన్ని వ్యతిరేకిస్తూ గుంటూరులో రాజకీయేతర ఐకాస ఆధ్వర్యంలో ఆందోళన చేశారు. అంబేడ్కర్ కూడలి వద్ద కొవ్వొత్తులతో ప్రదర్శన నిర్వహించారు. ఒకే రాష్ట్ర.. ఒకే రాజధాని.. మూడు రాజధానులు వద్దు.. అమరావతి ముద్దు అంటూ నినాదాలు చేశారు. కరోనా వ్యాప్తి దృష్ట్యా భౌతిక దూరం పాటిస్తూ నిరసన తెలిపారు.
బిల్లులు ఆమోదిస్తూ.. గవర్నర్ తీసుకున్న నిర్ణయంపై న్యాయపోరాటం చేస్తామని ఐకాస నేతలు స్పష్టం చేశారు. రాజధాని రైతుల ఆకాంక్షలను తుంగలో తొక్కుతూ.. వారి ఆందోళనలు పెడచెవిన పెడుతూ.. ప్రభుత్వం ముందుకెళ్లటం సరికాదని ఐకాస నేత మల్లిఖార్జున్ అభిప్రాయపడ్డారు. గవర్నర్ ఆమోదించిన బిల్లులను రాష్ట్రపతి తిప్పి పంపాలని డిమాండ్ చేశారు.
ఇదీ చూడండి..
