Acid Attack on Woman : గుంటూరు జిల్లా గురజాల మండలం మాడుగులలో దారుణం చోటుచేసుకుంది. దాహంగా ఉంది తాగటానికి గ్లాసుడు నీళ్లవ్వరూ అంటూ ఓ ఇంటి వద్దకు వెళ్లి అడిగాడో వ్యక్తి. మానవత్వంతో.. ఇంట్లోకి వెళ్లి నీళ్లు తెచ్చింది ఆ ఇంట్లోని మహిళ. మంచినీళ్ల గ్లాసు అతనికి ఇవ్వబోతుండగా.. హఠాత్తుగా ఆమెపై యాసిడ్ పోశాడు ఆ దుండగుడు! అనంతరం అక్కడి నుంచి పరారయ్యాడు. ఈ అనూహ్య సంఘటనతో బాధితురాలితోపాటు అక్కడున్నవారంతా షాకయ్యారు.
యాసిడ్ మీద పడటంతో బాధితురాలికి స్వల్ప గాయాలయ్యాయి. కుటుంబ సభ్యులు ఆమెను వెంటనే గుంటూరు జీజీహెచ్ కు తరలించారు. సమాచారం అందుకున్న పోలీసులు కేసు నమోదు చేసి విచారణ చేపట్టారు.
ఇదీ చదవండి : Theft in PS: లాయర్ కోటు వేశాడు.. పోలీస్ స్టేషన్కు పోయాడు.. బైకులు ఎత్తుకెళ్లాడు!!
