అక్రమాలకు పాల్పడితే పార్టీలో ఏ స్థాయి నాయకుడినైనా ఉపేక్షించేది లేదని రాష్ట్ర పౌరసంబంధాలు, రవాణా శాఖమంత్రి పేర్ని నాని అన్నారు. పశ్చిమ గోదావరి జిల్లా ఏలూరులో ఇళ్ల స్థలాల పంపిణీపై ఆయన సమీక్షా సమావేశం నిర్వహించారు. ఈ సమావేశంలో మంత్రులు చెరుకువాడ రంగనాథరాజు, తానేటి వనిత, జిల్లా ఎమ్యెల్యేలు పాల్గొన్నారు.
జిల్లాలో ఇళ్ల స్థలాల కేటాయింపులపై వస్తున్న ఆరోపణలపై మంత్రి స్పందించారు. అక్రమాలకు పాల్పడితే సొంత పార్టీవారైనా ఉపేక్షించేది లేదని, క్షమశిక్షణ చర్యలు తీసుకుంటామని తెలిపారు. ఇంటి స్థలాల పంపిణీలో మామూళ్లు వసూలు చేసే వారిని పార్టీ నుంచి తొలగించేందుకు సైతం వెనకాడబోమని మంత్రి తెలియజేశారు. పాలకొల్లుకు చెందిన ఓ నేతపై చర్యలు తీసుకున్నామని తెలిపారు.
ఇదీ చదవండి : సర్వేయర్పై సభాపతి ఆగ్రహం.. కారణం ఇదీ..?
