ఇవాళ బ్యాంకర్లతో సీఎం జగన్ సమావేశం

ఇవాళ సచివాలయంలో బ్యాంకర్లతో ముఖ్యమంత్రి జగన్ సమావేశం కానున్నారు. కౌలు రైతులకు రుణాల పంపిణీపై చర్చించనున్నారు.

సీఎం జగన్​ అధ్యక్షతన నేడు సచివాలయంలో రాష్ట్రస్థాయి బ్యాంకర్ల సమావేశం జరగనుంది. కౌలు రైతులకు రుణాల పంపిణీపై బ్యాంకర్లతో చర్చించనున్నారు. ప్రస్తుత ఖరీప్ సీజన్​లో రూ.24 వేల కోట్ల రుణాలు ఇవ్వాలని.. అక్టోబరు 15 నుంచి రైతు భరోసా అమలు చేయాలని ప్రభుత్వం నిర్ణయించింది. ఈ నేపథ్యంలో బ్యాంకర్ల సమావేశానికి ప్రాధాన్యత సంతరించుకుంది. ఇప్పటికే రైతు భరోసా కింద ఇచ్చే రూ.15,500ను ఇతర రుణాల కింద జమ చేయవద్దని ఆదేశించింది. ఈ విషయాన్ని బ్యాంకులకు స్పష్టం చేసింది. రేపు జరిగే సమావేశంలో రుణాలపై మరింత స్పష్టత రానుంది.