రాజధానిప్రాంత రైతులకు రూ.195 కోట్లు విడుదల చేసిన ప్రభుత్వం

రాజధాని రైతులకు వార్షిక కౌలు చెల్లించేందుకు ప్రభుత్వం రూ.195 కోట్లు నిధులు విడుదల చేసింది. ఈ మొత్తాన్ని అన్నదాతల ఖాతాల్లో జమ చేయాలని ఆదేశాలు జారీ చేసింది.

రాజధాని నిర్మాణానికి భూములిచ్చిన రైతులకు చెల్లింపులు చేసేందుకు ప్రభుత్వం నిధులు విడుదల చేసింది. 195 కోట్ల రూపాయల మేర యాన్యుటీ చెల్లింపులకు నిధులు విడుదల అయ్యాయి. రాజధాని రైతులకు వార్షిక కౌలుగా ఈ మొత్తాన్ని చెల్లించేందుకు విడుదల చేశారు. ప్రభుత్వం దీనికి సంబంధించి పాలనానుమతి మంజూరు చేసింది. ఈ మొత్తాన్ని రైతుల ఖాతాలకు జమ చేయాల్సిందిగా అమరావతి మెట్రో రీజియన్ డెవలప్​మెంట్ అథారిటీ కమిషనర్​ను ప్రభుత్వం ఆదేశించింది. ఈ మేరకు పురపాలక శాఖ ప్రత్యేక ప్రధాన కార్యదర్శి వై.శ్రీలక్ష్మి ఉత్తర్వులు జారీ చేశారు.

ఇదీ చదవండీ... MP RRR: ఏపీ అప్పుల్లో కొట్టుమిట్టాడుతోంది: ఎంపీ రఘురామ