కరోనా లాక్‌డౌన్‌ కారణంగా ఆరు నెలల నుంచి హాళ్లు మూతపడటంతో తీవ్రంగా నష్టపోయామని తెలంగాణ థియేటర్ల సంఘం ప్రతినిధులు ఆవేదన వ్యక్తం చేశారు. ఈ నెల 15 నుంచి థియేటర్లు తెరుచుకోనున్న క్రమంలో.... సినిమా హాళ్లకు వచ్చే ప్రేక్షకులకు కొవిడ్‌ సోకకుండా అన్ని జాగ్రత్తలు తీసుకుంటామన్నారు. ప్రేక్షకులు ఎవరూ టికెట్లు తాకకుండా చర్యలు చేపడతామని, విరామ సమయంలో ప్రేక్షకులు గుమిగూడకుండా జాగ్రత్త వహిస్తామని అన్నారు. శానిటైజర్లు ఏర్పాటు చేస్తామని చెప్పారు. శనివారం హైదరాబాద్లో సంఘ ప్రతినిధులు మీడియాతో మాట్లాడారు.
తెలంగాణ ప్రభుత్వం రాయితీలు ఇచ్చి ఆదుకుంటేనే సినీ థియేటర్ల పరిశ్రమ బతికి బట్టకడుతుంది. ఆదాయం రాని కారణంగా... సినిమా థియేటర్ల కరెంటు బిల్లులు కట్టలేని పరిస్థితి ఏర్పడింది. పెద్ద మనసుతో ముఖ్యమంత్రి కేసీఆర్ రాష్ట్రంలో సినిమా హాళ్లు తెరిచేందుకు అనుమతించాలి. ప్రభుత్వం అనుమతించినా థియేటర్స్‌కు రావడానికి ప్రేక్షకులెవ్వరూ అంతగా ఆసక్తి చూపరు. కనీసం సగం సీట్లు నిండినా సంతోషమే
- తెలంగాణ థియేటర్ల సంఘం ప్రతినిధులు
ఇవీచూడండి:
