తెలంగాణ ముఖ్యమంత్రి కేసీఆర్ 66వ జన్మదినోత్సవం సందర్భంగా.. తెదేపా అధినేత చంద్రబాబు శుభాకాంక్షలు తెలిపారు. సంపూర్ణ ఆయురారోగ్యాలు, ఆనందాన్ని ప్రసాదించాలని భగవంతున్ని కోరుకుంటున్నట్లు ట్వీట్ చేశారు. కేసీఆర్కు తెదేపా జాతీయ ప్రధాన కార్యదర్శి నారా లోకేశ్ కూడా పుట్టిన రోజు శుభాకాంక్షలు తెలిపారు. ఎప్పుడు నిండు ఆరోగ్యంగా ఉండాలని ట్వీట్ చేశారు.
కేటీఆర్, హరీశ్ శుభాకాంక్షలు..
తెలంగాణ ముఖ్యమంత్రి కేసీఆర్ 66వ పుట్టినరోజు సందర్భంగా ఆ రాష్ట్ర మంత్రులు కేటీఆర్, హరీశ్రావు ట్విటర్ ద్వారా శుభాకాంక్షలు తెలిపారు. తనకు తెలిసిన బహుముఖ ప్రజ్ఞాశాలి, ధైర్యవంతుడు, దయ కలిగిన వ్యక్తి కేసీఆర్ అని.. అతన్ని తాను తండ్రిగా పిలవడం గర్వకారణమని కేటీఆర్ పేర్కొన్నారు. తెలంగాణ గడ్డకు కేసీఆరే శ్రీరామ రక్ష అంటూ ఆ రాష్ట్ర ఆర్థిక మంత్రి హరీశ్రావు ట్వీట్ చేశారు.
