'మంత్రి వ్యవహారశైలి ప్రజల దృష్టిని ఆకర్షించలేదు'

తెదేపా అధినేత చంద్రబాబుపై మంత్రి కొడాలి నాని వ్యాఖ్యలను ఆ పార్టీ నేత వర్ల రామయ్య ఖండించారు. రాష్ట్ర ప్రజలంతా కరోనా నుంచి బయటపడేది ఎలా అని ఆలోచిస్తుంటే...మంత్రి మాత్రం తమపై అభ్యంతరకర వ్యాఖ్యలు చేస్తున్నారని మండిపడ్డారు. ఆయన వ్యవహారశైలి ఏ రోజూ ప్రజల దృష్టిని ఆకర్షించేలా లేదని ఆరోపించారు. ప్రభుత్వానికి పాలన పట్ల చిత్తశుద్ధి ఏపాటిదో అర్థమవుతోందని ఎద్దేవా చేశారు.

పౌరసరఫరాల శాఖ మంత్రి కొడాలి నానిని మంత్రిగా నియమించే సమయంలోగానీ, ఆ తర్వాత గానీ ఆయన వ్యవహార శైలి సీఎం జగన్మోహన్​రెడ్డి, ప్రజల్ని ఆకర్షించిన దాఖలాలు లేవని తెదేపా పొలిట్ బ్యూరో సభ్యుడు వర్ల రామయ్య విమర్శించారు. మంత్రి మాట తీరు, ఆహార్యం వ్యవహారాలు చూసి కేబినెట్​లో కొనసాగిస్తున్నారంటే... ప్రభుత్వానికి పాలన పట్ల ఉన్నచిత్తశుద్ధి ఏంటో అర్థమవుతోందని మండిపడ్డారు. రాష్ట్ర ప్రజలతో పాటు కరోనాపై పోరాడుతున్న తమపై మాట్లాడిన మాటలు విస్మయం కలిగించాయన్నారు. ప్రభుత్వ వైపల్యాలను ప్రశ్నిస్తే అసభ్యకరంగా మాట్లాడాతారా అని ఆగ్రహం వ్యక్తం చేశారు.

ఇదీ చూడండి: పేదల ఇళ్ల స్థలాలపై ప్రభుత్వం కీలక నిర్ణయం