ఆర్టీసీ సమ్మెలో భాగంగా తెలంగాణ ఆర్టీసీ కార్మిక సంఘాలు బంద్ పాటిస్తున్నాయి. వివిధ రాజకీయ పార్టీలు, ప్రజాసంఘాలు, ఎన్జీవోలు, ఉపాధ్యాయసంఘాలు, ఆటో యూనియన్లు బంద్లో పాల్గొంటున్నాయి. ఆర్టీసీ డిపోలు, బస్టాండ్ల వద్ద కార్మికులు నిరసనలు తెలుపుతున్నారు. ఆందోళన చేస్తున్న రాజకీయపక్షాలు, ప్రజాసంఘాల నేతలను పోలీసులు అరెస్ట్ చేశారు. బంద్ ప్రభావంతో ఆర్టీసీ బస్సులు డిపోలకే పరిమితమయ్యాయి. అయితే కొన్ని ప్రాంతాల్లో పోలీసులు బందోబస్తు మధ్య బస్సులను నడిపించే ప్రయత్నం చేస్తున్నారు.
ఆర్టీసీ జేఏసీ ఇచ్చిన బంద్ పిలుపునకు సంఘీభావం తెలిపిన తెలంగాణ జన సమితి అధ్యక్షుడు కోదండరాంతోపాటు తెదేపా నేతలు ఎల్.రమణ, రావుల చంద్రశేఖర్‌రెడ్డి, పలువురు కార్యకర్తలను జేబీఎస్ వద్ద పోలీసులు అదుపులోకి తీసుకుని లాలాగూడ పీఎస్కు తరలించారు. శాంతియుతంగా నిరసన తెలుపుతున్న తమను అరెస్టు చేసి పోరాటాన్ని నీరుకార్చేందుకు ప్రభుత్వం, పోలీసులు ప్రయత్నిస్తున్నట్లు కోదండరాం తెలిపారు.
