నవంబర్ 6 నాటికి వైఎస్ జగన్ పాదయాత్ర ప్రారంభించి 3 ఏళ్లు పూర్తవుతున్న సందర్భంగా రాష్ట్రవ్యాప్తంగా పది రోజుల పాటు ఉత్సవాలు జరపాలని వైకాపా నిర్ణయించింది. ప్రజలకు సంక్షేమ పథకాలు అందిస్తూ... సమస్యలు తీర్చేలా కార్యక్రమాలను చేపట్టాలని కార్యకర్తలకు ఆ పార్టీ ముఖ్యనేత సజ్జల రామకృష్ణారెడ్డి సూచించారు. ప్రజలంతా ఉత్సవాల్లో పాల్గొనాలని కోరారు.
పాదయాత్ర అంశాలు సహా పాలనపై తెలియజేస్తూ ప్రత్యేకంగా రూపొందించిన సీడీలు, పోస్టర్ లను తాడేపల్లిలోని కేంద్ర కార్యాలయంలో ఆవిష్కరించారు. 17 నెలల పాలనలో ప్రజల జీవన పరిస్ధితులను మార్చేశారని.. ఓ అరుదైన నాయకుడిగా సీఎం వైఎస్ జగన్ సాక్షాత్కరిస్తున్నారని సజ్జల రామకృష్ణారెడ్డి అన్నారు. 95 శాతం ప్రజలు ప్రభుత్వం నుంచి ప్రయోజనం పొందారని... అన్ని వర్గాల ప్రజలు ఎంతో సంతృప్తిగా ఉన్నారని పేర్కొన్నారు. ఈ నెల 6 నుంచి పది రోజుల పాటు జరిగే ఉత్సవాల్లో అందరూ పాల్గొనాలని పిలుపునిచ్చారు.
ఇదీ చదవండి
