భారత్ బయోటెక్ సంస్థ అభివృద్ధి చేస్తున్న కో వాగ్జిన్ పురోగతిని పరిశీలించడానికి ప్రధాన మంత్రి నరేంద్ర మోదీ ఇవాళ హైదరాబాద్కు రానున్నారు. దిల్లీ నుంచి ప్రత్యేక విమానంలో మధ్యాహ్నం హకీంపేట విమానాశ్రయానికి చేరుకుంటారు. అక్కడి నుంచి నేరుగా జినోమ్ వ్యాలీలోని భారత్ బయోటెక్ సంస్థకు వెళ్తారు.
కరోనాపై పోరాడేందుకు భారత్ బయోటెక్ సంస్థ రూపొందిస్తున్న కో వాగ్జిన్ పురోగతిని పరిశీలిస్తారు. వ్యాక్సిన్ స్థితి, క్లినికల్ ట్రయల్స్ వివరాలు, ఫలితాలను అడిగి తెలుసుకుంటారు. శాస్త్రవేత్తలతో ప్రధాన మంత్రి చర్చిస్తారు. వ్యాక్సిన్ అనుమతులు, తయారీ, పంపిణీ సంబంధిత అంశాలపై కూడా చర్చించే అవకాశం ఉంది. ఆ తర్వాత హకీంపేట విమానాశ్రయం నుంచి తిరుగు పయనమవుతారు.
ఇదీ చదవండి: 'డిసెంబరు 31లోగా నివర్ నష్టపరిహారం చెల్లించాలని నిర్ణయం'
