అది ప్రభుత్వ నిర్ణయం కాదు: పేర్ని నాని
మూడు రాజధానులపై సీఎం జగన్ అసెంబ్లీలో ప్రకటన చేయలేదని మంత్రి పేర్ని నాని స్పష్టం చేశారు. 3 రాజధానులుంటే ఎలా ఉంటుందనే దానిపైనే సీఎం మాట్లాడారని వివరించారు. ఆవేదనలో అన్న మాటలను పరిగణనలోకి తీసుకుంటామా..? అని ప్రశ్నించారు. 2 కమిటీల నివేదికలు వచ్చాక రాజధానిపై మార్గనిర్దేశం చేసుకుంటామన్న పేర్ని నాని... రాష్ట్రంలో ఎవరు ఆందోళన చేసినా ప్రభుత్వం గుర్తిస్తుందని చెప్పారు. ప్రభుత్వం ఒక నిర్ణయానికి రాకముందే హడావిడి చేస్తున్నారని ఆగ్రహం వ్యక్తం చేశారు. 2 కమిటీల నివేదికలనూ హైపవర్‌ కమిటీ సమీక్షిస్తుందని... ఆ తర్వాత వాటిపై అసెంబ్లీలో చర్చించాలా లేదా అనేది నిర్ణయిస్తామని చెప్పారు.
