Daughter Killed Father in Mahabubabad : మహబూబాబాద్ జిల్లా వేమునూరులో తండ్రిని ఓ కుమార్తె హత్య చేసింది. ఆస్తిపత్రాలు ఇవ్వడం లేదన్న కోపంతో తండ్రి వెంకన్న(46)ను కూతురు ప్రభావతి(17) కర్రతో కొట్టి చంపింది. గమనించిన స్థానికులు ఆపేందుకు ప్రయత్నించినా అప్పటికే వెంకన్న ప్రాణాలు కోల్పోయాడు. స్థానికుల సమాచారంతో పోలీసులు ఘటనాస్థలికి చేరుకున్నారు. కేసు నమోదు చేసుకుని దర్యాప్తు ప్రారంభించారు.
తండ్రీకూతురు ఎంతో ప్రేమగా ఉండేవారని.. ఇంతలో ఏమైందో తెలియదు.. ఇంత ఘోరం జరిగిందని స్థానికులు చెబుతున్నారు. ఈ కేసులో వివరాల కోసం పోలీసులు.. వెంకన్న ఇంటి పక్కన ఉండేవాళ్లని ఆరా తీశారు.
ఇవీ చదవండి : గుంటూరు జిల్లాలో మహిళపై అత్యాచారయత్నం
