రాష్ట్రంలో 4 ఫిషింగ్ హార్బర్లకు కేంద్రం 50 శాతం నిధులు: గౌతమ్రెడ్డి
రాష్ట్రంలో 4 ఫిషింగ్ హార్బర్లకు కేంద్రం 50 శాతం నిధులు ఇచ్చేందుకు అంగీకరించిందని ఐటీ, పరిశ్రమల శాఖ మంత్రి గౌతమ్ రెడ్డి తెలిపారు. దిల్లీలో కేంద్ర మంత్రి మన్‌సుక్‌ మాండవ్యను కలిసిన ఆయన.. రాష్ట్రంలో పోర్టుల అభివృద్ధిపై చర్చించినట్లు చెప్పారు. రామాయపట్నం పోర్టును మేజర్ పోర్టుగా తీసుకోవాలని విన్నవించామన్నారు. సాగరమాల పథకంలో ఆగిన ప్రాజెక్టులన్నింటినీ ప్రారంభించేందుకు సహకరించాలని కోరామన్నారు. అన్ని అంశాలను సానుకూలంగా పరిశీలిస్తామని కేంద్ర మంత్రి హామీ ఇచ్చినట్లు గౌతంరెడ్డి చెప్పారు.
ఇదీ చదవండి: విజయవాడ మేయర్‌గా రాయన భాగ్యలక్ష్మి
