రంగారెడ్డిలో మళ్లీ చిరుత కలకలం.. ఆవు దూడను చంపి తిన్న వైనం

తెలంగాణలోని రంగారెడ్డి జిల్లాలో చిరుత పులి కలకలం సృష్టించింది. ఆవు దూడను చంపి తినేసినట్లు స్థానికులు గుర్తించారు. అటవీ అధికారులు త్వరగా బంధించాలని కోరుతున్నారు.

తెలంగాణలోని రంగారెడ్డి జిల్లాలోని యాచారం మండలంలో మళ్లీ చిరుతపులి కలకలం సృష్టించింది. పిల్లిపల్లి శివారులోని పొలంలో ఆవు దూడను పులి చంపి తినేసినట్లు స్థానికులు గుర్తించారు. చిరుత సంచారంతో స్థానికులు భయాందోళనకు గురువుతున్నారు. బయటకు రావాలంటే భయంగా ఉంటుందని వాపోతున్నారు. అటవీ అధికారులు చిరుతను త్వరగా బంధించాలని కోరుతున్నారు.

ఘటనాస్థలానికి చేరుకున్న అటవీ శాఖ అధికారులు చిరుతపులి పాదముద్రలు సేకరించారు. ప్రజలు భయాందోళనకు గురి కావొద్దని సూచించారు.

ఇదీ చూడండి:

Cheetah At Tirumala: తిరుమల కనుమదారిలో చిరుత సంచారం