Kesineni Nani: భోగాపురం ఎయిర్పోర్టుకు నిరభ్యంతర పత్రం మంజూరు చేసి, తక్షణమే దాని నిర్మాణానికి అనుమతులు ఇవ్వాలని తెదేపా ఎంపీ కేశినేని నాని కేంద్ర ప్రభుత్వాన్ని డిమాండ్ చేశారు. ఆయన మంగళవారం లోక్సభలో పౌర విమానయానశాఖ బడ్జెట్ పద్దులపై మాట్లాడారు. మాజీ సీఎం చంద్రబాబు భోగాపురం ఎయిర్పోర్ట్ నిర్మాణానికి 2,700ఎకరాల భూమిని సేకరించారు. కేవలం 35ఎకరాలే స్వాధీనం చేసుకోవాల్సి ఉంది.
గతంలో పౌరవిమానయానశాఖ మంత్రిగా అశోక్ గజపతిరావు ఉన్నప్పుడు దీనికి భూమిని కేటాయించారు. ఎయిర్పోర్ట్ అథారిటీ ఆఫ్ ఇండియాకు భూమిని స్వాధీనం చేయడానికి ఎన్ఓసీ తీసుకున్నారు. నిర్మాణ బాధ్యతలను బిడ్డింగ్ ద్వారా జీఎంఆర్కు అప్పగించారు. అయితే నిరభ్యంతరపత్రాన్ని నవీనకరించలేదన్న కారణంగా ఈరోజు వరకు పనులు ప్రారంభించలేదు.
కేెంద్రం తక్షణమే దాన్ని నవీనకరించాలని విన్నవిస్తున్నా. విజయవాడ ఎయిర్పోర్ట్ విస్తరణకు మా నాయకుడు చంద్రబాబు రైతుల నుంచి 750ఎకరాలు సేకరించి ఇచ్చారు. తర్వాత ప్రభుత్వం మారిపోయింది. ఎయిర్పోర్ట్ కోసం సేకరించిన భూమికి ప్రతిఫలంగా రైతులకు భూమి కేటాయించకపోవడంతో చాలా కేసులు దాఖాలయ్యాయి. కేంద్రం జోక్యం చేసుకొని వాటిని పరిష్కరించడానికి చర్యలు తీసుకోవాలి అని కేశినేని డిమాండ్ చేశారు.
ఇదీ చదవండి:
