తెలంగాణ ఆర్టీసీ కార్మికులు విధుల్లో చేరేందుకు సిద్ధంగా ఉన్నామని ప్రకటించినందున ఎలాంటి ఆంక్షలు లేకుండా విధుల్లోకి చేర్చుకోవాలని ఆ రాష్ట్ర ముఖ్యమంత్రి కేసీఆర్కు జనసేన అధినేత పవన్ కల్యాణ్ విజ్ఞప్తి చేశారు. ఈ విషయంలో జోక్యం చేసుకోవాల్సిందిగా కార్మిక సంఘాల నాయకులు తనను కోరినట్లు తెలిపారు. నలభై రోజులకు పైగా సమ్మెలో ఉన్న కార్మికులు తిరిగి విధులకు హాజరయ్యే క్రమంలో వారికి కుటుంబ పెద్దగా ముఖ్యమంత్రి తగిన భరోసా ఇస్తారని ఆకాంక్షించారు. తద్వారా ప్రజా రవాణా పూర్తిస్థాయిలో అందుబాటులోకి వస్తుందని అభిప్రాయపడ్డారు.
ఇదీ చూడండి:
బేషరతుగా ఆహ్వానిస్తే విధులకు హాజరయ్యేందుకు సిద్ధం: అశ్వత్థామరెడ్డి
